~ အမေ့အလွမ်း ~

အမေရယ်... လွမ်းလိုက်တာဗျာ...
ဟိုးအတိတ်ဆီက..
အဖြူရောင်ပုံရိပ်…
ကျွန်တော့် ငယ်ဘ၀ နယ်နမိတ်တွေမှာ
အမေဆိုတာ ကျွန်တော့်အတွက် သူရဲကောင်းထက် ပိုမှာပါ
လူငယ်ပီသစွာ အစွမ်းကုန် ပျံသန်းခဲ့မိလေသမျှ
ကျွန်တော့်ရဲ့ အိမ်ပြန်ချိန်တွေဟာ
တန်ဖိုးကြီးလွန်းတဲ့ ကိုယ်ပိုင်အသုံးအဆောင်တစ်ခုပမာ
အမေ့ရင်ခွင်ထက်ဆီမှာ..
ငြိတွယ်လာတယ်..

အမေရယ်.. လွမ်းလိုက်တာဗျာ…
အလွမ်းတွေ တနင့်တပိုး ထမ်းပိုးထားရင်းက
သုံးနှစ်သုံးမိုးတောင်ပြည့်ခဲ့ရတယ်
ကျရာတာဝန်တွေနဲ့ လုံးပမ်းနေရင်း
ကျွန်တော့်အတွေးတွေက
အမေ့ဆန္ဒ ပြည့်ဝရမယ်..

အမေရယ်... လွမ်းလိုက်တာဗျာ...
လောကရဲ့ ပညတ်ချက်တွေကြား
မသိနားမလည်တဲ့ ကျွန်တော်ဟာ
အမေ့အတွက်တော့
သိုးငယ်လေးပါ
အဲ့ဒီ အားမလိုအားမရ

တဖျစ်တောက်တောက် ပြောဆိုဆုံးမတတ်တဲ့
အမေ့ရဲ့ သြ၀ါဒတွေ လေထုထဲ မျောပါနေတဲ့အလား..
ကျွန်တော် အမြဲ ကြားယောင်နေမိတယ်...

အမေရယ်... လွမ်းလိုက်တာဗျာ...
အချိန်တိုင်းမှာ တွေ့ရမယ့်ရက်တွေကိုသာ
လက်ချိုးရေနေမိတယ်
အမေရယ်.. ကျွန်တော့်အလွမ်းဝေဒနာတွေ
အမေ့အမျှဝေသံမှာ
တဒင်္ဂခိုနားခွင့်ရဖို့
ဘုရားဆီ နားပူမိရတာလဲ အကြိမ်ကြိမ်ပါ
ရေမြေတွေခြား အဝေးတစ်နေရာက
အမေ့အငွေ့အသက်ကို
လေထုမှာ ကြားနာမိရတာလဲ အကြိမ်ကြိမ်ပါ...


အမေရယ်... လွမ်းလိုက်တာဗျာ...
ဘယ်အချိန် ဆုံတွေ့ခွင့်ရနိုင်မှာလဲ
ဘယ်အချိန် အမေ့ရင်ခွင်ထဲ ကျွန်တော် ခေါင်းတိုးနိုင်ရပါ့မလဲ
ဘယ်အချိန် အမေ့ဟင်းတွေ ကျွန်တော် လွေးခွင့်ရပါ့မလဲ
ဘယ်တော့လဲ အမေရယ်
တစ်ခါတစ်ခါ နာကျည်းချင်တယ်
တစ်ခါတစ်ခါ ဂုဏ်ယူပါတယ်
အမေ့သား ကျွန်တော်ဟာ သူရဲကောင်းပါ
အမေ့ရှေ့မှာ ရင်ကိုကော့ ခေါင်းကိုမော့ရင်းက
အမေ့အားကိုးရာ ကျွန်တော်ဖြစ်လိုက်ချင်တာ

အမေ..
တစ်နေ့
အဲ့ဒီတစ်နေ့ကို သားမျှော်လင့်တယ်...
နေ့ရက်တွေရှိသမျှ ကျွန်တော် မျှော်လင့်နေမယ်..
အမေ့မျက်နှာ .. ကျွန်တော် မော်ဖူးချင်တယ်.............

အမေရယ်... လွမ်းလိုက်တာဗျာ...
နံနက်ဖြန်ရေ .. မြန်မြန်လာပါတော့...
ခင်ဗျားရဲ့ ရင်ခွင်မှာ.. ကျွန်တော် အမေ့ကို ပွေ့ဖက်ချင်လို့........
A.M.Z